తాడ్కోల్ లో భారీ కార్డన్ సెర్చ్.. 13 బైక్‌లు, ఓ ఆటో సీజ్...

మోసిన్ 5టీవీ న్యూస్ ప్రతినిధి బాన్సువాడ : జిల్లా ఎస్పీ ఆదేశాల మేరకు బాన్సువాడ డీఎస్పీ విట్టల్ రెడ్డి ఆధ్వర్యంలో బుధవారం బాన్సువాడ మండలం తాడ్కోల్ గ్రామంలోని రాజారాం దుబ్బా ప్రాంతంలో భారీ కార్డన్ సెర్చ్ నిర్వహించారు. ఈ తనిఖీల్లో మొత్తం 140 మంది పోలీసు సిబ్బంది పాల్గొన్నారు.కార్డన్ సెర్చ్ సందర్భంగా 112 మోటార్ సైకిళ్లు, 5 కార్లు, 18 ఆటోలను తనిఖీ చేశారు. వీటిలో సరైన ధ్రువపత్రాలు లేని 13 మోటార్ సైకిళ్లు, ఒక ఆటోను పోలీసులు జప్తు చేశారు.అనంతరం కాలనీ ప్రజలకు రోడ్డు భద్రతా నిబంధనలు, ఆన్లైన్ బెట్టింగ్ వల్ల కలిగే నష్టాలు, సైబర్ నేరాల నుంచి రక్షణ, గంజాయి నిర్మూలన, మాదకద్రవ్యాల దుష్పరిణామాలపై పోలీసులు అవగాహన కల్పించారు.ఈ కార్యక్రమంలో బాన్సువాడ డీఎస్పీతో పాటు బాన్సువాడ డివిజన్ సీఐలు, ఎస్సైలు మరియు పోలీసు సిబ్బంది పాల్గొన్నారు. నేరాల నియంత్రణ, శాంతి భద్రతల పరిరక్షణలో భాగంగా ఇటువంటి తనిఖీలు నిరంతరం కొనసాగుతాయని పోలీసులు తెలిపారు.