గ్లోబల్ స్పార్క్స్ హైస్కూల్‌లో ఘనంగా బోనాల సంబరాలు.

5టీవీ న్యూస్ ప్రతినిధి బాన్సువాడ : కామారెడ్డి జిల్లా నసుర్లబాద్ లోని నెమలి గ్రామంలో గ్లోబల్ స్పార్క్స్ హైస్కూల్‌లో విద్యార్థులు బోనాల పండుగను ఘనంగా నిర్వహించారు.తెలంగాణ సంస్కృతి, సంప్రదాయాలను ప్రతిబింబించేలా విద్యార్థులు వివిధ వేషధారణలతో ఆకట్టుకున్నారు.ఈ సందర్భంగా విద్యార్థులు అమ్మవారి వేషధారణలతో పాటు పోతురాజు తదితర సంప్రదాయ పాత్రల్లో పాల్గొని ప్రత్యేక ఆకర్షణగా నిలిచారు. చిన్నారులు సంప్రదాయ దుస్తుల్లో ముస్తాబై బోనాల పండుగ విశిష్టతను చాటిచెప్పారు.పాఠశాల ఉపాధ్యాయులు విద్యార్థులకు బోనాల పండుగ ప్రాముఖ్యత, తెలంగాణ సంస్కృతిలో దాని ప్రత్యేకత గురించి వివరించారు.విద్యార్థుల్లో మన సంస్కృతి,సంప్రదాయాల పట్ల అవగాహన పెంపొందించేందుకు ఇలాంటి కార్యక్రమాలు ఎంతో దోహదపడతాయని పాఠశాల నిర్వాహకులు తెలిపారు.ఈ కార్యక్రమంలో విద్యార్థులు,ఉపాధ్యాయులు పాల్గొని వేడుకలను విజయవంతం చేశారు.